Zwüschefau #1

Dr Plan: Ds Marinemuseum ds Karlskrona bsueche (ca. 120km)...

... und was drus isch worde...

...

d Wasserpumpi rünt...

Chum füf Minute mit offener Motorhube ufem Parkplatz fahrt ä Puch zueche. Ob mir Hiuf bruchä, fragt dä jung Maa. Är luegt sich di Sach a u meint: "I ga ga Silikonpaste u Material holä. Bi i 15min zrugg." Gesagt, getan! Dä erschiint wider, inkl. Papa- o mit Puch ;) 
Mir heis probiert, gnützt hets nüt. Nidmau, dass är üs zumne Garage het bracht, wo mir am Schärme hei chönne mechä. Usgrüstet mit äxtra Wasserchänndli, Offroadtips in ganz Schwedä u guete Wünsch si mir ufe Heiwäg. 

Afangs di Wuche het üs Armaturteknik Platz, Wärchzüg, guti Tipps u Dichtigsmaterial zur Verfügig gstellt.

 

Bracht het o das leider nid so viu. Dr Simmäring vor Pumpi isch kaputt. Also wartä mir ufnä nöi Pumpi...

 

Köpenhamn

Vom 30.1- 31.1 hei mir ä witere City Trip gmacht. Di dänischi Houptstadt isch dank em Öresund nume ä Katzesprung vom schwedische Festland entfernt u immer wider ä Usflug wärt. Ds Wätter isch eher schlächt gsi, drfür üsi Begleitig umso schöner und wunderbarer;)

Ny Havn

Rundetårn

Amalienborg slot, Residenz vor Königsfamilie

Wachablös

 

Rosenborg Slot

Liebi Marianne, schön bisch du da gsi! Mir hei di Zyt mit dir gnosse u d Abwächslig het guet ta. Danke für ds vile redä, loufe u Bier trinke. Es het gfägt, die hie ds ha u dir ä chline Usschnitt vo üsem Uslandläbe dörfe ds zeige. Alltid välkommen!

PS: Leider heimer ganz vergässe es Bsuecherselfie ds machä... ;)  

nya hem #2

Schlafegge...

... inklusiv Ussicht

L.S & S.v.D

c/o Fam Persson

Friggatofta 2027

280 64 Glimåkra SE