Oslo bis Bergen

Mir hei ä Rägetag. Das heisst, mir müesse öich nüm lenger ufene Bricht la warte:

Oslo isch üses erste Zieu gsi in Norwegen. I zwei Täg hei mir di Stadt erkundet.

Schloss Oslo

Vigeland Park

Opernhaus

Holmenkollen Sprungschanze

Vo Oslo us si mir Richtig Hardangervidda gfahre. Aber vorhär hei mir ä Usflug gmacht zum Berg Gausta (1883m.ü.M.). Lut „Lonely Planet“ dr schönst Berg in ganz Norwegen. Überrascht het üs d Schneemängi i der Region- hei mir doch dr ganz Winter nie richtig Schnee gseh. Mir hei üs uf d Suechi gmacht nach Schneeschueh, hei übercho u si am angere Morge früeh los. Beschwärlecher aus zersch agnoh, hei mirs irgendwenn ufe Gipfu gschafft u si mitere wunderebare Ussicht belohnt worde. Für abe hei mir d Bahn gnoh. E Standseilbahn, vor Nato 1958 erboue. Dunger hei mir du erfahre- dass dä Gspass fasch  türer isch aus e Tank Most… 

Mir si über d Hardangervidda nach Südnorwegen gfahre. Hardangervidda isch dr grösst Nationalpark in Norwege u ds grösste Gebirgsplateau in Europa. Entlang vor Gränze verlouft die wichtigsti Verbindigsstrass zwüsche Oslo und Bergen.  
 

Schlafplatz mit Usblick uf d Hardangervidda

 När isches zum Zwüschefau ♯2 cho- aber die Gschicht kennet ihr ja scho. Mir hei ir Garage es Mietouto gnoh u si witer a d Südküste. Ganz komisch u richtig müehsam hets üs dünkt, dass üses ganze Hab und Guet nid eifach im Kofferrum griffbereit isch.

öpe so het das haut du usgseh...

Nach dr idrückleche Küstestrass hei mir eini vo de grösste Turisteattraktion vo Norwegen agstüret- dr Preikestolen.  

Preikestolen am Lysefjord

Vo da nomau zrügg- Mietouto abgäh, Puch flicke, zahlä u i gewohnter Manier witerreisä.

Wider über d Hardangervidda- dasmau aber zum Hardangerfjord.

Stabkirche Eidsborg

O hie hei mir a typeschi Turisteattraktion bsuecht. D Trolltunga, ä Feusforsprung uf 1400m.ü.M., mit einisch meh ere fantastische Ussicht. Fasch meh beidruckt aus der Feus, hei üs aber au di Asiate, wo 6h mit Stoffturnschueli si düre Schnee gstampfet.  

Uf dr Küstestrass, aues am Hardangerfjord nache, si mir uf Bergen gfahre. Nach norwegischer Art hei mir mit viu Bier dr Nationsalfirtag begosse u si de no churz ga d Stadt aluege. 

Küstenstrasse Hardanger

Hardangerfjord

Bryggen

Nationalfiirtag... :)

Bergen by night- und Zimmer mit Ussicht.

Fröid am Früehlig

mir si wider unterwägs... :)

hei hüt di churze Hose nomau gäge d Schiihose gwächslet.
Sommerskiresort (1 Bügellift) ufem Folgefonna Gletscher inkl. Meerblick.

PS: Mir würde ja gärn lengeri Brichte schribe, hei aber nid Zyt da nie schlächt Wätter ;)

Zwüschefau #2

Blöd ischs gangä! 

Dr Chüehlerventilator isch i Chüehler gspickt u het es riiiiise Loch usegschlage. Blöder wär nume gsi, wes am Sunndi wär passiert- aber es isch ja scho fasch Mändi gsi… ;)

Mir heis i di nächsti Garage gschafft u di Ersatzteili bsteut. Hei scho dänkt, dass es chönnt müehsam wärde bis das Züg da isch - aber grad so müehsam... Jtz, füf Tag speter bange mir immerno, dass aues chunnt u mir vorem länge Wucheänd chöi witerreise. 

Richtig Norwegen

Mir si ds Oslo- auso richtig ds Norwegen;) 

Ir letzte Wuche hei mir, auso vorauem dr Severin, öpis vrpassts nachägholt.  Mir si ds Trollhättan ga alti u nüii Saabs aguggä.  
Vo Trollhätten si mi de wider zrügg a d Küste. 

Verwöhnt vo guetem Wätter, hei mir di wunderschöne Schärelandschafte u chline Küstedörfli gnosse. Eifach chli chli wermer hätts no dörfe si… Di letztä paar Täg vo däm Monet hei de mir ds Aprilwätter o no chli abübercho. Hei vo Schnee, chaut, Räge bis strahlendi Sunne aues gha. 

Ds kuulä a däm Auto-Museum isch, dass es alli Prototypä u Concept Cars, wo Saab über d'Jahr so het bouä, behimatet. O intessant isch, das für ä US-Markt ganz anderi Auto abotä wärdä. So het Saab i Kooperation mi Subaru äs Impreza-ähnlichs Modell ir USA vrchufft.

  

Üsi nächsti Station isch dr Nordens Ark-Nordische Arche gsi. Ds Speziellä ä däm Zoo isch, dass es numä vom Usstärbe bedrohti Tier het. Ziel isches di Rassänä ds erhaltä u we müglech o umi uszwilderä. Mit ärä Vogelart u ärä speziellä Rossart isch das scho glungä...

Fjällbacka, äs wunderschöns Dorf ar Bohuslänküschtä. Hiä isch d'Feriäregion vor Ingrid Bergman, bekannt us Casablanca.

Dr Wolfskamm vor Verflimig vo Ronja Räubertochter, äs witers Highlight vo Fjällbacka. Hiä hisst diä Schlucht aber Kungsklyftan.

D'Felsritzigä vom UNESCO- Weltkulturerbe ds Tannumshede. 
Schnäbipingglä, hihi.

Tjurpanna

Dr erscht richtig Wasserfall, aber dä isch scho z'Norwegen

Bevor mir aber RICHTIG uf Norwegä si, himer nu äs paar Tag ir Grenznechi vrbracht. Hie dr Tresticklan Nationalpark. Dert hets -uf dr norwegischä Sitä- ä Hüttä, wo mir hi übernachtet.

 

Ds Haverud chunnt mä mit allem härä- sigs Boot, Bahn oder Auto.