Svalbard

Bi dä Isbärä acho...

Lofoten

Ds Kiruna hei mir Lisa`s Eutere troffe. Mir si di nächste Tage gmeinsam ungerwäx, Ziu si d Lofoten. 
Über Abisko si mir nach Bodø gfahre, vo dert mit dr Fähre nach Moskenes. 

1. Blick uf d Lofoten

Mir hei für ei Wuche ir nechi vo Svolvær es Hüsli mit Meerblick gmietet. Vo dert us si mir di wunderschöni Insulandschaft ga erkunde. Schneebärge, Sandstränd, chlini Fischerdörfli, einsami Strasse, etc. - eifach grandios! 
Während de paar Rägewättertage hei mir ds Hüsli u ds Sässhaft si umso meh gnosse u haut du chli gjasset. 
 

Karibikfeeling im Winterpulli :)

meet the lokals at Lofoten

Nyksund- es Fischerdörfli wo fasch 30 Jahr unbewohnt isch gsi u jtz so langsam wider ufboue wird. Aktuell 20 durhafti Bewohner.

Whale Safari ds Andenes. Hie ä  Pottwal, ca. 18m läng u fasch 40t schwär.

Üses Navi isch ab und zue mir dr Abgschideheit im höche Norde chli chli überforderet. Da d Wassertöifi schwär abdsschetzä isch gsi, hei mir üs nid gwagt...  :)

Mir fahre über Senja uf Tromsø. Dert heisst i paar Täg scho wider Abschied näh. Mir flüge när witer nach Spitzbergen. Da fröie mir üs extrem druf. 

Fjordnorwegen und Lappland

Nach Bergen hets üs i d'Landschaft vo dä Fjordä zogä. Quer dür Norwegen si wir nach schwedisch Lappland.

Am Naeroyfjord, dass isch dr schmelscht Fjord vo ganz Norwegä u Unesco Welterbe, het üs das doch scho rächt grossä Chtützfahrtsschiff erschtunnt. Chli nach däm das Bild isch entschtandä het das Schiff ca. 10min brucht für umä Eggä ds cho... 

 

Mir hi das Tier, fürnä  Delfin ghaltä. Äs isch aber ä Schweinswal gsi. Söttigi himer vor Küschtä us am Aurlandsfjord chönnä beobachtä.

Vo dä Fjordä id Bergä. Hiä hetä mir igentlich chli welä ga wanderä. Im Jontunheimen Nationalpark isch für das aber nu vil z'vil Schnee gsi. Als Troscht himer diä super Ussicht gnossä u wildi Rentier gseh. 

Das Foto isch vom weltberühmte Geirangerfjord. Ki Riis in Norwegen führt dran vrbi. 

Hiä würd dr inzigscht Schoggi vo ganz Norwegen härgschtellt.

Das isch dr Trollstigen. Vo z'underscht bis z'oberscht sis elf Haarnadelkurvä. Leider het ds Puchi dert nät dörfä achifahrä, wil di Strass wägä Lawinägfahr gschperrt isch gsi-

aber Luufä hetmä dörfä...;)

Omellette on fire... öpe so choche mir ir Wiudniss. For my Armaturteknik friends: The knive is in use every day :)

Vom Husbärg vo Kristiansund chämä 3 Ölplattformi gseh. Im Hintergrund gseht mä di wältbekannti Atlantikküschtästrass, womä öpä idä Outowärbigi gseht. Vo nachem weniger spektakulär als erwartet...

 

 Trondheim

Vo da us si wir zrugg uf Schweden. Das isch fach ä chli äs Hiimcho gsi. Churz vor
Åre si wir über d Gränzä.

Das si nät d'Niagarafäll aber fasch. Äs isch dr Ristafallet ganz i dr Nechi vo Åre.

Wemä dr Wald vo luuter Bäum näme gseht, de ischmä ds Lappland. Im Muddus-Nationalpark hets zum Glück nu kini Muggä ka. Stundälang dür Wälder, a Rentier vrbi u tiilwiss uf Kiespischtinä si mir schlussendlich ds Kiruna acho.

Ds Kiruna isch di inzigi Untertagebauisäerzminä vor Wält. Hiä wärdä über 60`000 Tonnä Erz pro Tag wäggführt.