Oulanka Nationalpark

Im Oulankanationalpark si mir ufem bekannte "Beartrail" gwanderet. I 4 Täg hei mir dä 82km läng Wäg zrügggleit- u jedi Sekunde gnosse :) 

Grägnet hets o mau...

Haubzyt

Fürabe

Das isch eini vo üsne Übernachtigshüttene gsi. Di si im Abstand vore Haubtagesetappe u stöh aune Wanderer zur Verfüegig.

Zur Erholig hei mir üs nach dene Wandertäg äs Riverrafting gönnt. So hei mir dr Nationalpark no ufne angeri Art erläbt- we mir üs nid grad hei müesse festhäbe ;)

Da mir ufem Beartrail ke Bär hei gseh, di Region aber bekannt isch für Bäre, hetts üs glich chli wunder gnoh... Mir si ufne Bäresafari. Das isch lang eher ä längwiligi Aglägeheit gsi. So stiu wi müglech si mir stundelang i dere Beobachtigshütte ghocket. 

1. Gast: Seeadler

Nach ca. vier Stund warte de ändlech... Mir hei dr Beweis! Es git tatsächlech Bäre im finnische Waud- bi de Elche si mir üs no nid ganz sicher.

Vor östleche Gränze us si mir einisch quer dür ds Land, bis nach Vaasa, gfahre.

Fortsetzung folgt... 

Finnisch Lappland

Vor Norwegischä Grenzä simer direkt zum Inarisee gfahrä, em gröschtä See vo Finnland. Mischtens hetmä aber nät wahnsinnig vil gseh vo däm See, wils dert sehr waldig isch. Glichwohl himer ab u zuä äs schöns Plätzli atroffä, womr dä heilig Sami-See hi chönnä gniessä.

 

Vo Saarisielkä us himer ä Wanderig im UrhoKekkonen-Nationalpark gmacht. Dä Nationalpark grenzt a Russland u isch inä vo dä gröschtä im Land. Dr Urho Kekkonen isch ä ehemaligä Präsident vo Finnland gsi, wo schinbar sehr gärn dert isch ga wanderä.

 

Ds Wätter het leider nät so mitgspilt. So isches de o gsi, das dr Wanderwäg ufzmal übernes Flüssli isch, wo so tüüf isch, dases ihm heti d'Wanderschuh gfüllt. Glücklicherwiis isch grad nach däm Flüssli dr Schlafunterstand cho.

Natürlech himer o d'Schwiiz gfiiret. Mit norwegischem Ches hets bi üs Raclette mit Gschweltä gä :-)

 Ds Goldfieber het üs pakt. Im Goldmuseum z'Tankavaara himer üsägfundä, dass im Napfgebiet si Goldfundä gmacht wordä. Nachhär himer üses igetä Glück vrsuecht u tatsächlich himer äs paar 'Flakes' gfundä. "Gold Rush" sei Dank! ;)

Vo Tankavaara us simer dr finnisch-russischä Grenzä nah richtig Südä gfahrä. U dert gseht d'Gägend öpä us wiä mä sich Finnland vorstellt. Wald u Wald u Wald u ab u zuä ä See.

Zersch 70km Kiespischtä u när exklusiv Fahrt uf dr Fährä.

Nach 2 Monet Mitternachtssunnä himer dr Polarkreis überquert. U itz würds am Abä scho umi so fischter, dases ihm fasch Angscht macht...
 

Finnmark inkl. Zwüschefau #3

Mir si mittlerwile ds Finnland acho. Es geit üs guet, mir gniesse üsi erste richtige Summertäg. Aber jtz aues ar Reihe na:
Vo Kiruna si mir wider dür schwedisch Lappland gfahre mitem Ziu "Nordkapp". Mir hei när di ganzi östlechi Finnmarkregion dürquert.

Rentierscheideplatz, normalerwis 2x im Jahr sehr beläbt.

Kyrka Karesuando

Karasjok giut aus dr norwegisch Houptort vo de Sami. Mir si ds Sami-Parlament ga besichtige. Rund 40 Parlementarier debatiere dert über politischi Theme u verträte ihres Volk. Das Parlament het nume ä beratendi Funktion und ke Entscheidigsmacht. Spannend isch o, dass si 3 verschidene Samidialekte redä u enang nid verstöh. Si bruche Übersetzer- obwohl aui Awäsende Norwegisch chönnte...

Sami- Parlament

Dr Parlamentssaal isch i Form vomne Samizäut u d Sitze si mit Rentierläder überzoge.

Lappland pur :)

Bim Porsangerfjord si mir wider uf Meer gstosse. Die wunderschöni Route ar Küste entlang füert a ds Nordkapp. 

Honningsvåg- ds Tor zum Nordkapp

et voilà. plus Mittnatsol.

Ds Nordkapp isch so e richtegi Turistefaue. 30.- Itritt pro Person für dä "magisch" Punkt dörfe ds beträtte. Derzue gits no Ilass zumne Bunker mit Kinoshow, Cafe, Museum u natürlech Souvenirshop. 
Pünktlech für ds Mitternachtsselfie fahre x Reisebuse vor u reihe sich näb de uf hochglanzpolierte dütsche Reisecampere i. Das ganze wird de no vo unzahlige windsensitive Alarmalage musikalisch ungermaut.  Üs isch das irgendeinisch chli ds viu unberüehrti Natur gsi... ;)

Mir si de ds Fuess dr wahrhaftig nördlechst Punkt vo Europa ga erkunde. U hei dert es Fondue u d Rueh gnosse.

Knivskjelodden

Blick ufs Nordkapp

Dr glich Wäg zrugg- oder ämu fasch. Mir hei no ä Abstächer gmacht uf Havøysund. O die Strecki isch üser Meinig nah, zu rächt ä nationali Turisteroute.

i gseh no ä Wal- u dir nid ;)

Havøysund

 

Ändi Juli heis o mir mau richtig chönne i ds Wasser wage. Mir hei dä Badinami u di wahnsinnigi Kulisse sehr gnosse. Ds Wasser isch agnäh war gsi u ungloublech klar.

Silfar Canyon

Das isch aber de o grad dr einzigst warm Tag gsi. Paar Etappe witer ha i nomau d Strumpfhose füregnoh. 
Mir si ar Varangerroute nah bis uf Hamnigberg. Es het gluftet wi verruckt u em Ismeer här entsprächend warm... 
 

Vardø- üsi letzti Hurtigrouteifahrt

 

Kiberg- dr östlechst Punkt vo Norwegen

U dert isches passiert! Mir hei ä Pläddu igfahre. Nachemne Abstächer ufemne Griensträssli het üses Puchi chli Schieflag gha....

Mitem Resärvereife si mir bis i nächst grösser Ort gfahre. Da dä chli grösser isch aus di andere, hei mir müglechst schnäu Ersatz brucht. Mir hei paar Garage müesse abklappere hei aber tatsächlech am 10vor4i ä Reife gfunge wo passt. Da isch churzum uf d Fäuge ufzoge gsi u bis uf ds Zahle parat. Da isch dr Zwüschefau # 3.2 zum Zug cho:

!!

Tja, mir hei bis am angere Morge müesse warte für mis Täschli mit Kreditchärtli, etc. chönne abdshole. Vo dert a isches aber när ke Sach meh gsi. 200.- u 15 Minute speter isch das Rad montiert gsi u mir wider reisebereit. 

Mir si wider am Varangerfjord nah zrugg und nach Tana bru über di norwegisch- finnischi Gränze.